قصيدة باللهجة الجزائرية

من طرف **حراق في بلادي** 10/4/2013, 19:56

السلام عليكم ورحمة الله
جبت لكم اليوم قصيدة ضحكتني وحبيت تضحكو معي هيا سمو بالله

نصحوني مرة صحابي بالزواج ... و قالولي بركاك من التعواج

راهي رايحة تديك المواج ... إذا بقيت في العزوبية

بقيت نطلع في الحساب ... و لقيت كلامهم صواب

و في الغد بعثتهم نواب ... يطرحوا لأهلي القضية

بابا وافق في الحال ... و قال نجيبوا بنت الخال

و يما جاها في البال ... يخطبولي وحدة بدوية

تفاهمنا على بنت المدينة ... قالو فاهمة ورزينة

راهي تمخمخ في الكوزينة ... وتطبخ طبخات زينة

عولنا وقصدنا الدار ... حاملين في يدينا النوار

ودرنا وحنا زوار ... قاصدين بنت معينة

الخال في بنتو شكر ويزيد ... قارية وما تركتش المسيد

وصحيحة كي الحديد ... بنت العلم والتربية

قلت واش هي الشروط ... راني صرت ليكم مربوط

ومالي عندكم محطوط ... ونزيدلكم الشهرية

قالي يا وليدي سجل ... 20 صباط باش تبدل

و 50 سروال مفصل ... و يكونو ضيقين شوية

وزيد كيلو ذهب صافي ... تجيبو وانت زاهي

والشنتوف ما هو كافي ... راني درت فيكم مزية

بنتي راهي غاية وشريفة ... ما تتركش يدها خفيفة

20 خاتم في القفيفة ... تحطهم في يدها هي

وسلسله غاليه ما تنساش ... والمليون لازم يكون معاك

والحايك مرمة لازم تلقاه ... وتقدمو لبنتي هدية

قالي يا السي موووح ... بلاك تنسى خيط الروح

باش يزيد لبنتي الروح ... تبقالك ديما حية

تشريلها عشر كباش ... والدجاج مشوي ما تنساش

من طرف **عنتر ben** 10/4/2013, 20:25

ههههههه قصيدة روعة
بارك الله فيك

قصيدة باللهجة الجزائرية

قصيدة باللهجة الجزائرية

رد: قصيدة باللهجة الجزائرية